Fyrsta skóflustungan að stækkun verknámsaðstöðu Fjölbrautaskóla Suðurlands

Miðvikudaginn 8. júlí tók Illugi Gunnarsson menntamálaráðherra fyrstu skóflustunguna að stækkun verknámsaðstöðu Fjölbrautaskóla Suðurlands.

Nýbyggingin verður um 1.700 fermetrar að stærð, auk þess sem gagngerðar endurbætur verða gerðar á eldra húsnæði sem er um 1.150 fermetrar.

Verkleg framkvæmd var boðin út 15. apríl og tilboð opnuð 6. maí. Jáverk ehf. voru lægstbjóðendur með tilboð upp á krónur 815.405.683.- sem var 107,18% af kostnaðaráæltun, sem hljóðaði upp á krónur 760.795.392.-.

Verkkaupar eru mennta- og menningarmálaráðuneytið og Sveitarfélagið Árborg, Héraðsnefnd Árnesinga, Héraðsnefnd Rangæinga og Héraðsnefnd Vestur-Skaftfellinga. Hlutur sveitarfélaganna er 40% á móti 60% hlut ríkisins.

Heimild: Framkvæmdasýsla ríkisins.

Leave a comment