Home Fréttir Í fréttum Reykjavík úthlutar færri lóðum en Kópavogur

Reykjavík úthlutar færri lóðum en Kópavogur

76
0
Mynd: RÚV

Kópavogur, Hafnarfjörður og Reykjanesbær hafa hvert um sig úthlutað fleiri lóðum til byggingar íbúðarhúsnæðis en Reykjavík. Hins vegar er töluvert meira í byggingu í Reykjavík en í hinum sveitarfélögunum.
Fréttastofa óskaði eftir upplýsingum frá nokkrum sveitarfélögum um hversu mörgum lóðum hefði verið úthlutað til íbúðabygginga hjá sveitarfélögunum frá síðustu kosningum vorið 2014.

Stærsta sveitarfélagið, Reykjavík, hefur úthlutað lóðum undir 317 íbúðir á þeim tíma. En tvö sveitarfélög á höfuðborgarsvæðinu hafa úthlutað lóðum fyrir fleiri íbúðir. Í Kópavogi eru þær 348 og í Hafnarfirði 329. Garðabær úthlutaði lóðum fyrir 42 íbúðir, Mosfellsbær fyrir 200 íbúðir og Seltjarnarnes fyrir 34 íbúðir. Reykjanesbær slær hins vegar öllum þessum sveitarfélögum við – úthlutaði lóðum fyrir 359 íbúðir.

Meira í byggingu í Reykjavík
Samtök iðnaðarins birtu hins vegar í dag tölur um hversu margar íbúðir voru í byggingu í febrúar síðastliðnum. Þær tölur segja aðra sögu.

Í Reykjavík eru þær 1228 sem er með því mesta sem hefur mælst og það sama má segja um Kópavog með 655 íbúðir í byggingu. Í Hafnarfirði eru 237 íbúðir í byggingu og hefur þeim fækkað undanfarið ár. Í Garðabær voru 644 íbúðir í byggingu sem er það langmesta sem mælst hefur þar og sama má segja um Mosfellsbæ – þar eru 470 íbúðir í byggingu. Á Seltjarnarnesi eru þær svo 23. Samtökin telja aðeins á höfuðborgarsvæðinu og því eru þessar tölur ekki til fyrir Reykjanesbæ.

Heimild: Ruv.is

Previous articleOpnun útboðs: Þjótandi bauð lægst í Langholtsveg
Next articleOpnun útboð: Ölduselsskóli. Gluggaskipti og endurbætur á þökum 2017