Home Fréttir Í fréttum 18.05.2016 Hornafjörður: Sindrabær endurbætur 2016

18.05.2016 Hornafjörður: Sindrabær endurbætur 2016

223
0

Sveitarfélagið Hornafjörður óskar eftir tilboðum í verkið „SINDRABÆR –
ENDURBÆTUR 2016“ eins og því er lýst í útboðsgögnum.
Hér er um almennt útboð að ræða og lýtur þeim reglum sem um það gilda.
Lauslegt yfirlit yfir verkið
Um er að ræða upphaf endurinnréttingar við norðvesturhorn fyrstu hæðar í Sindrabæ.
Í verkinu felst meðal annars að fullgera nýja salernisálmu með innréttingum, öllum lögnum og búnaði. Einangra og steypa skal botnplötu í álmunni, en frárennslislagnir eru komnar að mestu. Ljúka skal frágangi í ræstiherbergi undir stiga. Rífa niður eldri salerniskjarna, ganga frá lögnum í gólfi og lagfæra, flota síðan í sama flöt og gólf í forsal. Setja á gólf bráðabirgða gólfefni. Ganga að fullu frá niðurteknu lofti á svæðinu þar sem salerniskjarninn er nú, með lögnum og ljósum.

Frágangur nær í aðalatriðum til eftirtalinna verkþátta:
· Smíði léttra innveggja og veggþykkinga, sandspörtlun og málun.
· Nýmálun viðgerðra múrflata og endurmálun annarra.
· Flísalögn gólfs á neðri hæð.
· Smíði og uppsetning innihurða snyrtingum og eldhúsi.
· Smíði og uppsetning bráðabirgðalokana.
Útboðið innifelur bráðabirgðafrágang og aðlögun þess hluta, sem tekinn er fyrir, þannig að hann sé tilbúinn til notkunar.

Útboðsgögn má nálgast á usb lykli á skrifstofu Sveitarfélagsins Hornafjarðar að Hafnarbraut 27 Höfn gegn 3.000 kr. greiðslu eða hér á heimasíðu sveitarfélagsins

http://www.hornafjordur.is/stjornsysla/utbod/nr/12022

þar er hægt að sækja útboðsgögnin án endurgjalds og fá lykilorð til að opna gögnin með því að senda tölvupóst á utbod1@hornafjordur.is Vinsamlegast takið fram í subject „Sindrabær gögn“.

Útboðsgögn
Útboðslýsing
Verklýsingar
Teikningar hönnuða
Magnskrár og tilboðsblað

Tilboðsgjafar skulu vera búnir að skila inn tilboði eigi síðar en fimmtudaginn 18. maí 2016 kl. 14:00. er þau verða opnuð samtímis í viðurvist þeirra bjóðenda sem óska eftir að vera viðstaddir .
Áskilinn er réttur til að taka hvaða tilboði sem er eða hafna öllum.
Tilboð eru bindandi í 5 vikur frá opnunardegi.

Nánari upplýsingar veitir:
Björn Imsland, bjorni@hornafjordur.is sími 470-8000 eða 894-8413
Gunnlaugur Róbertsson gunnlaugur@hornafjordur.is sími 470-8000