Home Fréttir Í fréttum Flutningar á efni í nýtt flughlað að hefjast

Flutningar á efni í nýtt flughlað að hefjast

137
0

Á næstu dögum hefjast flutningar á efni úr Vaðlaheiðargöngum í nýtt flughlað á Akureyrarflugvelli. Aðeins verður fluttur hluti þess efnis sem þörf er fyrir, en ekki hefur tekist að tryggja fjármagn til frekari flutninga.
Áætlað er það þurfi 175 þúsund rúmmetra af efni í nýtt flughlað á Akureyrarflugvelli. Gert er ráð fyrir að flutningur þess kosti um 150 milljónir króna, en illa hefur gengið að tryggja allt það fjármagn.

Aðeins hægt að flytja þriðjung efnisins
Búið var að tryggja 50 milljónir og umhverfis- og samgöngunefnd Alþingis lagði til aukið fjármagn á fjárlögum þessa árs. Um það náðist ekki samkomulag. Því eru til fjármunir sem duga fyrir flutningi á um 50 þúsund rúmmetrum, eða tæplega þriðjungi alls efnisins.

Byrja á næstu dögum
Einar Hrafn Hjálmarsson, staðarstjóri Ósafls aðalverktakans, við gerð Vaðlaheiðarganga, segir flutninga rétt að hefjast. „Við erum bara að undirbúa svæðið, losa okkur við snjó og gera akstursleiðir á vinnusvæðinu. Svo bara byrjum við að flytja á næstu dögum. Það er nóg efni á staðnum og í rauninni erum við komnir í smá vandræði með plássleysi á svæðinu, þannig að við þurfum að fara í þetta núna.”

Tekur 2-3 mánuði
Einar segir stefnt að samfelldum akstri á efninu næstu vikum þó að veður geti mögulega tafið fyrir. „Ég myndi áætla að þett taki um 40-50 vinnudaga að ljúka þesu. Þannig að þetta eru 2-3 mánuðir, efti því hvernig veðuraðstæður verða í vetur.”

Heimild: Rúv.is