Fyrsta skóflustunga viðbyggingar við Hrafnagilsskóla

Erna, Hrund, Guðlaugur, Sveinbjörg, Erna Lind og Jón taka fyrstu skóflustunguna af viðbyggingu við Hrafnagilsskóla

Í gær var fyrsta skóflustugnan tekin af viðbyggingu við Hrafnagilsskóla, fimmtíu árum eftir að fyrsta skóflustunga af Hrafnagilsskóla var tekin.

Stærð viðbyggingarinnar verður um 1.900m2 og mun húsið að lokum meðal annars hýsa leikskóla, grunnskóla, fjölnota sali, bókasafn, upplýsingaver, aðstaða til tónlistaiðkunar og kennslu, félagsmiðstöð og líkamsræktaraðstöðu.

Umtalsvert samráðsferli var í aðdraganda skóflustungunnar samráð hefur verið en byggingin en er hönnuð af OG Arkitektum og Verkís eftir forskrift úr góðu samráði sveitarstjórnar og starfsmanna skólanna.

Í undirbúningnum voru tvær leiðir skoðaðar, annarsvegar að byggja ofan á núverandi skóla og hinsvegar að byggja tengibyggingu.

Fremst á myndinni má sjá viðbygginguna sem hýsir leikskólann. Ofan á má síðan sjá starfsmanna- og stjórnunarálmu skólans.

Að loknu samráðsferli var þó valið að fara bil beggja og úr varð sérlega skemmtileg blanda beggja leiða þar sem leikskóli rís á jarðhæð og starfsmannaálma á annarri hæð.

Fram kom í máli oddvita sveitarstjórnar að um sé að ræða mjög stórt verkefni þegar horft er til stærðar sveitarfélagsins og er horft bæði til þess að bæta enn betur núverandi aðstöðu sem og að búa sig vel fyrir framtíðina.

Skóflurnar voru sex og var þeim beitt fagmannlega af Ernu Káradóttur leikskólastjóra, Hrund Hlöðversdóttur grunnskólastjóra, Guðlaugi Viktorssyni skólastjóra Tónlistaskóla Eyjafjarðar, Sveinbjörgu Helgadóttur formanns félags eldriborgara, Ernu Lind Rögnvaldsdóttur forstöðumanns íþróttamiðstöðvar og Jóni Stefánssyni oddvita sveitarstjórnar.

Fjölmörg skipulagsverkefni eru í gangi um þessar mundir í sveitarfélaginu og ef allt gengur þá verða allt að 400 íbúðareiningar tilbúnar á skipulagi á komandi árum en það er um það bil jafn mikið og er af íbúðarhúsnæði í sveitarfélaginu í dag.

Miklar vonir eru því bundnar við byggingaráformin sem að sögn sveitarstjóra er ætlað að sameina fjölþætta starfsemi sveitarfélagsins undir einu þaki.

Um sjötíu manns mættu á viðhöfnina til að fagna þessum merka áfanga.

Í máli hans kom fram að um sé að ræða „aðstöðu sem skapar börnum okkar leik- og vinnurými til að vaxa og dafna í, aðstöðu sem starfsfólki líður vel í og mun stæra sig að, aðstöðu sem allir íbúar hafa greiðan aðgang að hvort sem er til upplýsingaöflunar, samveru eða heilsueflingar.

Aðstöðu sem sameinar kynslóðir ungra sem aldinna“.

Heimild: Eyjafjarðarsveit

Leave a comment