Home Fréttir Í fréttum Nýr Landspítali semur við Corpus hópinn um fullnaðarhönnun á meðferðarkjarna nýs Landspítala

Nýr Landspítali semur við Corpus hópinn um fullnaðarhönnun á meðferðarkjarna nýs Landspítala

102
0
Frá hægri: Grímur M. Jónasson, Páll Matthíasson, Kristján Þór Júlíusson og Dagur B. Eggertsson

Heilbrigðisráðherra, Kristján Þór Júlíusson, skrifaði í gær undir samning við Corpus hópinn um fullnaðarhönnun á meðferðarkjarna vegna byggingar nýs Landspítala við Hringbraut.
Fjögur fyrirtæki standa að Corpus hópnum þ.e. Basalt arkitektar, Hornsteinar arkitektar, Verkfræðistofa Jóhanns Indriðasonar og VSÓ ráðgjöf.

Samningurinn er milli Nýs Landspítala ohf. og Corpus hópsins, sem var lægstbjóðandi í verkið, í útboði sem fram fór síðastliðið sumar í samræmi við fjárlög ársins 2015 og lög um skipan opinberra framkvæmda.

Ákvæði samningsins snýr að fullnaðarhönnun meðferðarkjarna nýs Landspítala. Hönnunin mun byggja á fyrirliggjandi forhönnun verksins sem þegar er lokið. Einnig hafa allar skipulagsáætlanir verið samþykktar vegna verkefnisins þ.e.svæðaskipulag, aðalskipulag og deiliskipulag lóðarinnar við Hringbraut.

Áætluð heildarstærð meðferðarkjarnans er um 58.500 m². Byggingin mun verða á 6 hæðum neðan götu, 5 hæðum ofan götu auk kjallara. Mun byggingin rísa á lóð Landspítala við Hringbraut. Meðferðarkjarninn mun tengjast öðrum byggingum á Landspítalalóðinni.

Heimild: Velferðaráðuneytið