Home Á döfinni Fyrirhugaðar opnanir útboða 03.09.2020 Parkethús í Suður Mjódd. Byggingarstjóri og eftirlit með verkframkvæmdum

03.09.2020 Parkethús í Suður Mjódd. Byggingarstjóri og eftirlit með verkframkvæmdum

318
0
Mynd: Reykjavíkurborg

F.h. umhverfis- og skipulagssviðs Reykjavíkurborgar er óskað eftir tilboðum í eftirfarandi verk:

Parkethús í Suður Mjódd. Byggingarstjóri og eftirlit með verkframkvæmdum, EES útboð nr. 14947.

Parkethús í Suður-Mjódd var boðið út í alverktöku og felst verk alverktaka í fullnaðarhönnun og reisingu fullbúins húss, með öllum kerfum og fullfrágengnum íþróttasal.

Verktaki annast hluta lóðarfrágangs en skilar lóð að mestu grófjafnaðri.

Verkkaupi metur umfang verkefnisins við að sinna hlutverki byggingarstjóra og eftirliti og skal tilboð bjóðanda miða við það.

Íþróttasvæði ÍR afmarkast gróflega af Árskógum til austurs, Skógarseli til suðurs, Álfabakka og Reykjanesbraut til norðurs og Þverárseli til vesturs.

Á svæðinu standa nú tveir knattspyrnuvellir í fullri stærð, þar af einn með gervigrasi. Þá er einnig núverandi húsnæði ÍR með malbikuðu plani og bílastæðum.

Unnið er að lúkningu framkvæmda við fjölnota íþróttahúss á svæðinu, ásamt frjálsíþróttavelli á vesturhluta lóðar.

Að öðru leyti er svæðið grasi gróið og óhreyft. Við norðanverðan jaðar svæðisins er að finna settjörn Veitna.

Fyrirhugað parkethús skal rísa suðaustan af fjölnotahúsi og skal tengjast því þannig að innangengt verður og samnýting milli þeirra. Alverktaki annast hönnun og framkvæmd á tengingu húsanna tveggja.

Húsið verður á tveimur hæðum, alls um 4180 m² og þar af íþróttasalur um 2380 m² (65,5×36,35m) á einni hæð.

Í húsinu verður hægt að iðka ýmsar íþróttir. Í húsinu skal mögulegt að spila keppnisleiki í handbolta og körfubolta í efstu deildum.

Fjöldi áhorfenda verður um 800 manns í útdraganlegum áhorfendabekkjum og möguleiki á 1000 manna borðhaldi á salargólfi.

Byggingarstjóri og eftirlitsmenn á hans vegum munu hafa umsjón og eftirlit með ofangreindum framkvæmdum og mun byggingarstjóri vera fulltrúi verkkaupa gagnvart verktaka og sinna þeim hlutverkum sem tilgreind eru í verklýsingu.

Þá skal hann einnig fylgja því hlutverki sem lýst er í ÍST-30:2012. Þá er lýsingu á hlutverki byggingarstjóra og ábyrgð hans að finna í byggingarreglugerð.

Í þeim gögnum, hvort sem vísað er til byggingarstjóra, umsjónarmanns verkkaupa, eftirlits eða eftirlitsaðila er átt við einn og sama aðila, þ.e. byggingarstjóra samkvæmt þessum gögnum og eftir atvikum eftirlitsmenn hans.

Útboðsgögn verða aðgengileg á útboðsvef Reykjavíkurborgar frá kl. 12:00, þann 31. júlí 2020, á vefslóðinni: http://utbod.reykjavik.is 

Nýskráning fyrirtækja hefst með því að smella “Nýskráning“.

Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.

Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 3. september 2020.