Home Fréttir Í fréttum Fyrsta útboð vegna breikkunar vegar um Kjalarnes

Fyrsta útboð vegna breikkunar vegar um Kjalarnes

131
0
Mynd: Skessuhorn.is

Vegagerðin auglýsti í síðustu viku eftir tilboðum í fyrsta áfanga breikkunar hringvegarins á rúmlega fjögurra kílómetra kafla frá Varmhólum að Vallá á Kjalarnesi.

Í útboðslýsingu er gert ráð fyrir hringtorgi við Móa og undirgöngum við Varmhóla og Saltvík, auk hliðarvega og stíga.

Verkið er samstarfsverkefni Vegagerðarinnar, Reykjavíkurborgar, Veitna og Gagnaveitu Reykjavíkur.

Breikka á núverandi tveggja akreina veg í 2+1 veg með aðskildum akbrautum. Í verkinu felst hringtorg, tvenn undirgöng úr stálplötum, áningarstaður, hliðarvegir og stígar.

Fergja á vegstæði og framtíðarstæði stíga meðfram hliðarvegum. Verkinu tilheyra ræsi, regnvatnslagnir, veglýsing, lagnir fyrir upplýsingakerfi Vegagerðarinnar og breytingar á lögnum veitufyrirtækja.

Verkinu skal að fullu lokið fyrir júní 2023.

Heimild: Skessuhorn.is