Home Fréttir Í fréttum 21.07.2020 Skógarhús við Funaborg – alútboð

21.07.2020 Skógarhús við Funaborg – alútboð

131
0
Mynd: Reykjavíkurborg

F.h. umhverfis- og skipulagssviðs Reykjavíkurborgar er óskað eftir tilboðum í eftirfarandi verk:

Skógarhús við Funaborg, Alútboð nr. 14831

Tilboð skal innifela hönnun og byggingu húss í skógarlundi við leikskólann Funaborg, Funafold 42 í Grafarvogi.

Húsinu skal skila fullbúnu að utan og innan, frágenginni lóð umhverfis það og tengdu veitukerfi borgarinnar.

Við leikskólann Funaborg á að byggja útideild í skógarlundi austan við núverandi leikskóla. Skógarhúsið skal vera byggt úr timbri á steyptum grunni og falla vel að umhverfi sínu.

Væntanlegur verktaki skal fullhanna húsið í samræmi við íslensk lög og byggingareglugerð. Sjá nánar leiðbeiningablöð Mannvirkjastofnunar.

Aðkoma að byggingasvæðinu er um mikið gróið svæði og er farið fram á að rask við gerð aðkomu sé lágmarkað sem frekast er unnt.

Til að minnka álag á umhverfið er því farið fram á að húsið sé forsmíðað á verkstæði og flutt í hæfilega stórum einingum á verkstað.

Útboðsgögn verða aðgengileg á útboðsvef Reykjavíkurborgar frá kl. 15:30, þann 2. júlí 2020, á vefslóðinni: http://utbod.reykjavik.is  Nýskráning fyrirtækja hefst með því að smella “Nýskráning“.

Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.

Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann, 21. júlí 2020.