Home Fréttir Í fréttum 14.07.2020 Bryggjuhverfi stækkun. Gjúkabryggja og Beimabryggja. Gatnagerð og lagnir

14.07.2020 Bryggjuhverfi stækkun. Gjúkabryggja og Beimabryggja. Gatnagerð og lagnir

223
0
Mynd: Vísir/Getty

F.h. umhverfis- og skipulagssviðs Reykjavíkurborgar er óskað eftir tilboðum í eftirfarandi verk:

Bryggjuhverfi stækkun. Gjúkabryggja og Beimabryggja.  Gatnagerð og lagnir, útboð nr. 14896.

Um er að ræða gatnagerð og lagnir í 1. áfanga uppbyggingar í stækkun Bryggjuhverfis. Hér er boðinn út áfangi sem nær til gatna og hluta veitukerfa norðan Sævarhöfða og vestan við núverandi Bryggjuhverfi. Heildarlengd gatna er rúmlega 0,5 km.

Um er að ræða:

 

Gatnagerð: Grafa á upp ónothæft efni og flytja á losunarstað, fylla með burðarhæfu efni, leggja styrktarlag og burðarlag og neðra malbikslag.
Fráveita: Leggja á lagnir, þar með talið að ganga frá brunnum, svelgjum í regnbeðum, teng­ingum, heimæðum og útrásarenda.
Vatnsveita: Leggja á dreifilagnir, þar með talið að ganga frá brunahönum, heimæðum, lokum, spindlum og stopphanalokum.
Hitaveita: Engin.
Rafveita: Leggja á ídráttarör og ganga frá endum.
Götulýsing: Færa skal götuljósastaur við Sævarhöfða og framlengja rafstrengi.
Fjarskiptalagnir: Engar.

Helstu magntölur eru:

Laus gröftur 4.000 m3
Fyllingar 8.300 m3
Burðarlög 3.000 m3
Malbikun 3.150 m2
Fráveitulagnir 1.000 m
Kaldavatnslagnir 650 m

Útboðsgögn verða aðgengileg á útboðsvef Reykjavíkurborgar frá kl. 13:00, þriðjudaginn 30. júní 2020, á vefslóðinni: http://utbod.reykjavik.is  Nýskráning fyrirtækja hefst með því að smella “Nýskráning“.

Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.

Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 14. júlí 2020.