Home Fréttir Í fréttum 08.07.2020 Skaftafell – Fráveita. Jarðvinna, fráveitulagnir og hreinsibúnaður

08.07.2020 Skaftafell – Fráveita. Jarðvinna, fráveitulagnir og hreinsibúnaður

107
0
Mynd: vatnajokulsthjodgardur.is

Framkvæmdasýsla ríkisins, fyrir hönd Vatnajökulsþjóðgarðar, óskar eftir tilboðum í verkið: Skaftafell – Fráveita. Jarðvinna, fráveitulagnir og hreinsibúnaður.

Verkið felst í uppbyggingu nýrrar fráveitu í Þjóðgarði Skaftafelli. Fyrirhugað er uppbygging á skólphreinsistöð í Skaftafelli.

Verkkaupi óskar eftir verðtilboðum í jarðvinnu fyrir fráveitulagnir og niðursetningu á hreinsistöð skólphreinsibúnaðar fyrir heildarsvæðið sem verkkaupi hefur fjárfest í.

Verkið felst í að endurnýja fráveitukerfi og setja upp dælu- og hreinsibúnað undir salernisaðstöður og þjónustumiðstöð fyrir afþreyingar- og ferðamannasvæði í Skaftafelli.

Verk þetta felur í sér jarðvinnu, lagnavinnu, steypumannvirki, niðursetning á dælu- og hreinsibúnaði, reising léttrar timburyfirbyggingar ásamt frágangi á stýribúnaði fyrir dælu- og hreinsibúnað.

Hreinsistöð sem verktaki þarf að koma fyrir og tengja skv. verklýsingu verður afhent verktaka á verkstað.

Skólphreinsistöðin mun taka við öllu skólpi frá Skaftafellsstofu ásamt tveimur hreinlætisaðstöðum á tjaldsvæði.

Helstu stærðir:
Uppgröftur 1.500 m3
Fyllingar 1.200 m3
Steypustyrktarjárn 3.800 kg
Steinsteypa 40 m3
Léttar yfirbyggingar úr timbri 3 x 10 m2
Fráveitulagnir 750 m
Brunnar 13 stk
Raflagnir og rör 700 m

Allar nánari upplýsingar er að finna í viðhengjum inn á svæði verkefnisins í TendSign sem eru útboðs- samningsskilmálar og fylgigögn.

Spurningar og svör verða meðhöndluð í hinu rafræna útboðskerfi.

Tilboðum skal skilað rafrænt í útboðskerfinu. Ekki verður haldinn sérstakur opnunarfundur.

Nánari upplýsingar er að finna í útboðskerfi Ríkiskaupa, TendSignLeiðbeiningar varðandi útboðskerfið er að finna á heimasíðu Ríkiskaupa.