Home Fréttir Í fréttum 23.04.2020 Nýr Landspítali Bygging bílastæða- tækni – og skrifstofuhúss

23.04.2020 Nýr Landspítali Bygging bílastæða- tækni – og skrifstofuhúss

378
0
Bílastæða- tækni- og skrifstofuhús Nýr Landspítali

Bygging bílastæða- tækni – og skrifstofuhúss Beiðni um upplýsingar (RFI) vegna fyrirhugaðs alútboðs.

Með þessu verkefni er kallað eftir upplýsingum (RFI) um hæfa aðila sem hafa áhuga, í alútboði, á að fullnaðarhanna og byggja og/eða reka bílastæða- tækni – og skrifstofuhús sem byggt verður á lóð Landsspítala við Hringbraut. Gert er ráð fyrir að hönnunartími hefjist árið 2020 og húsið verði fullbúið til notkunar 2023.

Lýsing á verkefninu
Bílastæða- tækni- og skrifstofuhúsið, hér eftir nefnt BTS, á að rúma um 500-550 bíla, rými fyrir tæknikerfi sem þjóna mun nýjum Landspítala og rými fyrir skrifstofuhluta. Áætlað flatarmál byggingarinnar er skv. staðfestu deiliskipulagi 21.273 m².

Bygging sem skiptist þannig að bílastæðahlutinn er um 17.000 m2 og tækni- og skrifstofuhlutinn bera uppi aðra fermetra skv. nánari hönnun og ákvörðun verkkaupa.

Í deiliskipulagi er bílastæða- og tæknihlutinn átta hæðir þar af niðurgrafinn kjallari á þremur hæðum. Fyrir liggur greinargerð og skýrsla um bygginguna frá 2012, sem fullnaðarhönnun bjóðanda mun byggja á. Vakin er athygli á því að samhliða framkvæmdum við BTS húsið verða í gangi byggingarframkvæmdir annarra mannvirkja á svæðinu.

Spurningar
Upplýsingar um lögaðila eða það samstarfsteymi (aðila) sem stendur á bak við tilkynninguna
Nánari upplýsingar um getu, hæfni og reynslu aðila
Nánari lýsingar á sambærilegum verkefnum aðilans í hönnun og byggingu
Upplýsingar um það hvort aðilinn hyggst byggja húsið eingöngu
Upplýsingar um það hvort aðilinn hyggst byggja og fjármagna húsið.
Upplýsingar um það hvort aðilinn hyggst byggja, fjármagna og reka húsið.
Upplýsingar um rekstrarreynslu aðilans á byggingum
Hvenær telur aðili heppilegt að byrja verkið og að ljúka því ?
Hversu mikinn mannafla telur aðilinn sig þurfa til verksins á árunum 2020 til 2023 ?
Upplýsingar frá aðila um hugmyndir að besta fyrirkomulagi mögulegs útboðs.

Fyrirspurnir varðandi verkefni 21192 skulu sendar rafrænt í gegnum útboðskerfið TendSign og verða svör birt þar.

Svörum við spurningum skal skila rafrænt í TendSign eigi síðar en kl. 13:00 fimmtudaginn 23. apríl 2020.

Allar upplýsingar má nálgast með því að fara inn í hið rafræna útboðskerfi, sjá hér: TendSign