Home Á döfinni Fyrirhugaðar opnanir útboða 24.09.2019 Hjúkrunarheimili í Sveitarfélaginu Árborg

24.09.2019 Hjúkrunarheimili í Sveitarfélaginu Árborg

173
0
Urban arkitektar ehf. og LOOP architects aps. hlutu 1. verðlaun í samkeppni um hjúkrunarheimili í Sveitarfélaginu Árborg

Verkframkvæmdin Hjúkrunarheimili í Sveitarfélaginu Árborg fer fram á Selfossi, þar sem nýtt hjúkrunarheimili mun rísa á austurhelmingi lóðar Heilbrigðisstofnunar Suðurlands (HSu) við Árveg.

Um er að ræða heildarframkvæmd, allt frá jarðvinnu að fullkláruðu húsi og lóðarfrágangi.

Hjúkrunarheimilið er með 60 hjúkrunarrýmum (einkarýmum) og er um að ræða hringlaga byggingu á tveimur hæðum, með inngarði í miðju hringsins.

Tvö stiga- og lyftuhús verða í byggingunni.

Í grunninn er byggingunni skipt í 5 heimiliseiningar og verður sérhver eining með setu- og borðstofu með eldunaraðstöðu. Þar verður hægt að taka við fullbúnum mat frá matreiðslueldhúsi á jarðhæð og sinna einfaldri matargerð.

Starfsmannaðstaða, lyfjaherbergi, skol- og þvottarými, snyrtingar, ræsti- og geymslurými verða einnig í sérhverri einingu.

Sameiginleg rými á jarðhæð eru auk matreiðslueldhússins, skrifstofu-, fundar- og búningsaðstaða fyrir starfsmenn, rými fyrir sjúkra- og iðjuþjálfun, geymslur, snyrtingar, tæknirými og anddyri.

 

Aðkoma verður úr suðri frá Árvegi um yfirbyggðan inngang og að aflokuðum inngarði.

Byggingin er að mestu úr járnbentri steinsteypu, einangruð að utan og klædd með timburklæðningu. Þakplata er steinsteypt, einangruð, klædd þakpappa og með fargi úr úthagatorfi og möl.

 

Vakin er sértök athygli á því að verkkaupi hyggst fá alþjóðlega umhverfisvottun samkvæmt BREEAM á nýbygginguna en slíkt vottunarferli tekur til margra þátta verktaka á byggingarstað.

 

Gögnin eru í rafræna útboðskerfinu TendSign og skal tilboðum skilað þar inn. Nánari upplýsingar og kröfur er að finna í útboðskerfi Ríkiskaupa  www.tendsign.is

Leiðbeiningar:   https://www.rikiskaup.is/is/utbodsthjonusta/leidbeiningar-fyrir-tendsign

Útboðsgögn afhent: 26.08.2019 kl. 14:00
Skilafrestur 24.09.2019 kl. 13:00
Opnun tilboða: 24.09.2019 kl. 14:00