Home Á döfinni Fyrirhugaðar opnanir útboða 27.08.2019 Ofanflóðavarnir Patreksfirði – Urðir, Hólar og Mýrar

27.08.2019 Ofanflóðavarnir Patreksfirði – Urðir, Hólar og Mýrar

91
0

Framkvæmdasýsla ríkisins, fyrir hönd Vesturbyggðar og Ofanflóðasjóðs, óskar eftir tilboðum í verkið: Ofanflóðavarnir Patreksfirði – Urðir, Hólar og Mýrar.

Verkið skal framkvæma í samræmi við útboðsgögn eins og þeim er lýst í grein „0.3.1 Útboðsgögn“.

Verkið felst í gerð snjóflóðavarnargarða ofan við byggðina á Patreksfirði. Í verkinu felst einnig flutningur trjágróðurs, mótun yfirborðs skeringa flóðmegin við garða, gerð vinnuvega, varanlegra slóða, gangstíga og tröppustíga og áningarstaða, gerð drenskurða, táskurða og lagning ræsa, formun vatnsfarvega, jöfnun yfirborðs og frágangur og fleira.

Þá felst einnig í verkinu að færa hitaveitulögn Orkubús Vestfjarða (OV), vatnslögn sveitarfélagsins og strengi í eigu OV og Mílu.

Helstu magntölur:
Gerð tá- og drenskurða 1.300 m
Mótun lækjarfarvega 1.700 m
Vegræsi 10 stk.
Losun klappar 10.000 m3
Fyllingar 280.000 m3
Uppsetning styrkingarkerfis 10.600 m2
Jöfnun yfirborðs 100.000 m2
Þökulögn 5.000 m2
Hellulögn 200 m2
Grjóthleðslur 350 m2
Gerð göngustíga og vegslóða 4.600 m
Lagning hitaveitu 270 m

Verkinu skal vera að fullu lokið eigi síðar en 1. desember 2023.

Nánari upplýsingar og útboðsgögn verða aðgengileg í rafræna útboðskerfinu TendSign, á vefslóðinni https://tendsign.is/, frá og með mánudeginum 29. júlí. Ekki verður haldinn hefðbundinn opnunarfundur. Tilboðum skal skilað rafrænt í útboðskerfinu.

Fyrirspurnarfrestur er til 19. ágúst 2019

Skilafrestur tilboða (rafrænt í gegnum TendSign) fyrir kl. 14:00, 27. ágúst 2019
Opnun tilboða (rafrænt) 27. ágúst kl. 14:10.