Home Fréttir Í fréttum Áform um byggingu á 30 íbúðarhúsum á Bíldudal

Áform um byggingu á 30 íbúðarhúsum á Bíldudal

109
0
Bíldudalur. Mynd: Kristinn H. Gunnarsson/bb.is

Fyrirtækið Bernódus ehf hefur sótt um 30 lóðir undir íbúðarhús á Bíldudal. Á næstu dögum hefjast viðræður milli fyrirtækisins og Vesturbyggðar um umsóknina.

Einkum er hugsað til þess að byggja einbýlishús.

Fyrirtækið Bernódus ehf var stofnað 1969 á Bíldudal og hét áður Niðursuða VBO Bíldudal og framleiddi m.a. grænar baunir.

Sonur Valdimars B. Ottóssonar (VBO) er Jens H. Valdimarsson og hann er einn þriggja sem helst eru í forsvari fyrir byggingaráformin á Bíldudal, en að þeim koma m.a. byggingarmeistari og rekstrarhagfræðingur.

Heimild: BB.is