Home Á döfinni Fyrirhugaðar opnanir útboða 10.05.2019 Óðinsgata, Týsgata og Óðinstorg endurgerð, verkeftirlit – Forval

10.05.2019 Óðinsgata, Týsgata og Óðinstorg endurgerð, verkeftirlit – Forval

71
0

F.h. Umhverfis- og skipulagssviðs Reykjavíkurborgar og Veitna ohf. er auglýst eftir umsóknum um þátttöku í lokuðu útboði í verkeftirlit verksins:

Óðinsgata, Týsgata og Óðinstorg endurgerð, verkeftirlit. Forval nr. 14510

Forvalsgögn verða eingöngu aðgengileg á útboðsvef Reykjavíkurborgar eftir kl. 16:00 þann 23. apríl 2019 á vefslóðinni http://utbod.reykjavik.is
Smellið á íslenska fánann til að fá útboðsvefinn upp á íslensku.
Nýskráning fyrirtækja hefst með því að smella á „Register“ eða „Nýskráning“.

Vakin er athygli á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Umsóknum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: kl. 10:15 þann 10. maí 2019.

Umfang verks:
Verkefnið felst í verkeftirliti með 2 útboðsverkum.

Annars vegar verkeftirlit með framkvæmdaverkinu „Óðinsgata og Óðinstorg endurgerð“. Verkið felst í endurgerð Óðinsgötu á milli Freyjutorgs og Skólavörðustígs, Spítalastígs á milli Týsgötu og Óðinsgötu ásamt endurnýjun Óðinstorgs á milli Týsgötu og Óðinsgötu í samræmið við hugmyndasamkeppni frá árinu 2008 og nýtt deiliskipulag af torginu.

Hins vegar verkeftirlit með framkvæmdaverkinu „Týsgata endurgerð“ sem felst í endurgerð Týsgötu á milli Skólavörðustigs og Spítalastígs/Óðinstorgs.

Nánar tiltekið felst eftirlitsverkefnið í eftirliti með neðangreindum framkvæmdaþáttum:
Endurnýjun innviða Óðinstorgs með setpöllum, stökum sætum, leikhólum, pollum og hjólagrindum.
Jarðvegsskiptum undir götustæðum Óðinsgötu, Týsgötu, Spítalastígs og torgsvæði Óðinstorgs.
Blágrænum ofanvatnslausnum undir gegndræpri hellulögn og gerð regnbeða.
Endurnýjun hellulagnar í gangstéttar- og bílastæðum og á torgsvæði Óðinstorgs
Endurnýjun gatna- og torglýsingar.
Endurnýjun malbiksyfirborðs og kantsteina í götum.
Endurnýjun skilta og merkinga
Lagning snjóbræðslulagna í Óðinsgötu, Týsgötu, Spítalastíg og Óðinstorg.
Lagning snjóbræðslustofns frá Skólavörðustíg 10 að snjóbræðslusvæðum í Freyjutorgi, Óðinsgötu, Týsgötu og Óðinstorgi.
Endurnýjun Veitna ohf. á fráveitu, hitaveitu og köldu vatni í götuhlutum ásamt rafstrengja í samræmi við fyrirliggjandi skipulag og hönnun.

Tímaáætlun:
Kaupandi gerir ráð fyrir að fylgja eftirfarandi tímaáætlun vegna verkefnis þessa:
10.05.2019: Umsækjendur skila inn umsókn um þátttöku
17.05.2019: Tilkynning kaupanda um niðurstöður forvals
21.05.2019: Útboðsgögn gefin út til þáttakaenda í lokuðu útboði
23.05.2019: Fyrirspurnarfrestur útrunninn
27.05.2019: Svarfrestur útrunninn
28.05.2019: Opnun verðtilboða í verkeftirlit
29.05.2019: Eftirlitsáætlun skilað til yfirlestrar hjá kaupanda
01.06.2019: Eftirlitsaðili tekur við stjórn verkeftirlits af tímabundnu verkeftirliti.
31.12.2019: Lok verkeftirlits og reyndargögn afhent kaupanda
01.11.2019: Verklok framkvæmdaútboða