Home Fréttir Í fréttum Sprengingar vegna vinnu við Háabakka í Hafnarfjarðarhöfn

Sprengingar vegna vinnu við Háabakka í Hafnarfjarðarhöfn

72
0
Mynd: Hafnarfjörður.is

Framkvæmdir eru hafnar af fullum krafti við byggingu Háabakka í Hafnarfjarðarhöfn, en þessi nýi stálþilsbakki sem verður um 110 metra langur mun liggja milli enda Suðurbakka og Óseyrarbryggju framan við Fornubúðir.

Ráðgert er að þessi bakki verði aðalviðlegustaður rannsóknarskipa Hafrannsóknarstofnunar sem mun flytja starfsemi sína að Suðurhöfninni á síðari hluta þessa árs.

Til undirbúnings fyrir niðurrekstur stálþilsins þarf að sprengja skurð í sjávarbotninn og var fyrsta sprenging í dag. Vænta má að sprengja þurfi í skurðstæðnu 4-5 sinnum í viðbót á næstu tveimur vikum.

Næsta sprenging verður á föstudag 15. febrúar og áframhald í næstu viku. Áður en sprenging fer fram er gefið hljóðmerki í þrígang fólki til viðvörunar. Það er

verktakafyrirtækið Hagtak sem sér um framkvæmdir við Háabakka fyrir Hafnarfjarðarhöfn en ráðgert er að búið verði að reka niður stálþilið í aprílmánuði og frágangur við hafnarbakka og yfirborð að fullu lokið á komandi hausti.

Heimild: Hafnarfjörður.is