Home Fréttir Í fréttum 26.10.2018 Hestháls 14. Breytingar á húsnæði Strætó bs.

26.10.2018 Hestháls 14. Breytingar á húsnæði Strætó bs.

236
0
Hestháls 14 Strætó Mynd: Ja.is

F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:

Hestháls 14 – Breyting á húsnæði Strætó – Útboð nr. 14326.

Til stendur að flytja alla starfsemi Strætó bs. í húsnæðið og því þarf að stækka skrifstofu-rými og breyta mötuneyti.

Lauslegt yfirlit yfir verkið: 
Verkið felst í að fjarlægja milliveggi, þ.e. klæðningar, burðargrind og einangrun, loft, gólfefni svo og ofna, vatns- og frárennslislagnir, hreinlætistæki og innréttingar eftir því sem við á í samræmi við útboðsgögn. Einnig skal smíða létta innveggi og sjá um annan frágang innanhúss s.s. við loft, gólf, múrverk, innréttingar, handrið, málningarvinnu og annars er þarf til að fullgera verkið.

Utanhúss skal endurnýja aðalinngang á vesturhlið, endurnýja glugga og setja upp nýja hurð við mötuneyti á neðri hæð. Gluggar skulu málaðir að utan eftir þörfum.

Útboðsgögn verða  eingöngu  aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 12:00 þann 26. september 2018.

Nýskráning fyrirtækja hefst með því að smella á „Nýskráning“ eða „Register“.

Vakin er athygli á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.

Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 10:00 þann 26. október 2018.

Ekki verður haldinn formlegur opnunarfundur, nema að bjóðendur óski sérstaklega eftir því. Beiðni verður að hafa borist innkaupadeild 2 virkum dögum fyrir opnun tilboða, á netfangið utbod@reykjavik.is