Home Fréttir Í fréttum Þýfið fundið: Myndirnar leiddu til handtöku

Þýfið fundið: Myndirnar leiddu til handtöku

52
0

Lögreglan hefur handtekið þá aðila sem stóðu að ráninu á Álfhólsvegi 22 þegar brotist var inn á svæði byggingarfélagsins Mótanda og rándýrum tækjum stolið.

Vísir greindi frá málinu á miðvikudagskvöldið og eftir það bárust fjölmargar ábendingar. Forsvarsmenn Mótanda birtu myndband á Facebook-síðu fyrirtækisins sem hjálpaði mikið til við að finna þjófana.

Í tilkynningu frá Lögreglunni á höfuðborgarsvæðinu segir; „Myndirnar frá Álfhólsveginum hafa leitt til handtöku þar sem þýfið fannst.“

Maður og kona voru að verki og hafa þau bæði verið handtekinn. Byggingarsvæðið er afgirt en klippt var á mótavír sem heldur girðingu þess saman. Svæðið er í Kópavogi en þar á að reisa sextán íbúða blokk. Parið fór einnig inn í fjórar íbúðanna með því að spenna upp glugga og hlutust af því skemmdir.

Á Facebook-síðu Mótanda þakkar fyrirtækið fyrir góð viðbrögð og árangursríkar ábendingar. 

Heimild: Vísir.is